வரி ஆண்டு: மக்களவையில் மசோதாக்கள் நிறைவேற்றம்

மக்களவையில் வருமான வரி மசோதா, வரி விதிப்பு சட்டங்கள் திருத்த மசோதா ஆகிய இரு மசோதாக்கள் விவாதமின்றி திங்கள்கிழமை நிறைவேற்றப்பட்டன.

- 

புது தில்லி, ஆக.11:

கடந்த பிப்.13-ஆம் தேதி மக்களவையில் வருமான வரி மசோதா-2025 தாக்கல் செய்யப்பட்டது. இந்த மசோதா வைஜயந்த் பாண்டா தலைமையிலான 31 எம்.பி.க்கள் அடங்கிய மக்களவை தற்காலிக குழுவின் பரிசீலனைக்கு அனுப்பப்பட்டது. அந்தக் குழு மசோதா தொடர்பாக சில பரிந்துரைகளை வழங்கியது.

இந்தப் பரிந்துரைகளைக் கருத்தில் கொண்டு, மக்களவையில் தாக்கல் செய்யப்பட்ட வருமான வரி மசோதாவை மத்திய நிதியமைச்சர் நிர்மலா சீதாராமன் அண்மையில் திரும்பப் பெற்றார்.

அந்த மசோதாவின் புதிய பதிப்பு மக்களவையில் திங்கள்கிழமை தாக்கல் செய்யப்பட்டது.