கேஓய்சி புதுப்பிப்பு என்ற பெயரில் மோசடி: 4 ஆண்டுகளாகத் தலைமறைவானவர் கைது

வாடிக்கையாளர் விவரங்களை (கேஓய்சி) புதுப்பிப்பதாகக் கூறி மோசடியில் ஈடுபட்ட 24 வயது இளைஞர் கடந்த 4 ஆண்டுகளாகத் தலைமறைவான நிலையில், மேற்கு வங்கத்தில் அவர் கைது செய்யப்பட்டதாக தில்லி காவல் துறை அதிகாரிகள் ஞாயிற்றுக்கிழமை தெரிவித்தனர்.

- 

புது தில்லி, ஜூன் 29:

இணையவழியில் ரூ.1.5 லட்சம் மோசடி செய்ததாக கைது செய்யப்பட்ட மல்யா தாஸ் மீது தில்லியில் கடந்த 2021-இல் வழக்குப் பதிவு செய்யப்பட்டது.

இது தொடர்பாக தென் மேற்கு தில்லி காவல் சரக துணை ஆணையர் அமித் கோயல் செய்தியாளர்களிடம் கூறியதாவது: கடந்த 2021-இல் தனது தாத்தாவிடம் ரூ.1.5 லட்சம் இணையவழியில் மோசடி செய்யப்பட்டதாக பெண் ஒருவர் தேசிய இணையவழி குற்றங்கள் பதிவு இணையதளத்தில் புகாரளித்தார். கேஓய்சி புதுப்பிக்கப்படவில்லை எனில் சிம் கார்டின் செயல்பாடுகள் ரத்து செய்யப்படும் என அவரது தாத்தாவிற்கு ஒரு குறுந்தகவல் வந்திருந்தது.