விஜய் பிரசாரத்தால் ஸ்தம்பித்தது திருச்சி!

திமுக தலைவர் விஜய் பிரசாரத்தால் திருச்சி சனிக்கிழமை ஸ்தம்பித்தது. விமான நிலையத்திலிருந்து, மரக்கடை வரை 7 கி.மீ. தொலைவுக்கு விஜய் பிரசார வாகனம் வந்து சேர 5.30 மணிநேரத்துக்கும் மேலாகியது.

- 

திருச்சி, செப். 13:

2026 பேரவைத் தேர்தலுக்கு திருச்சியிலிருந்து மக்கள் சந்திப்புப் பிரசாரத்தை சனிக்கிழமை தொடங்க சென்னையிலிருந்து தனி விமானம் மூலம் திருச்சிக்கு காலை 9.25 மணிக்கு வந்த விஜய், பிரசார வாகனத்தில் ஏறி மரக்கடை நோக்கிப் புறப்பட்டார். ஆனால், நூற்றுக்கணக்கான தொண்டர்கள் விமான நிலையத்துக்குள் நுழைந்து சூழ்ந்து கொண்டதால், அவரது பிரசார வாகனம் ஊர்ந்து சென்றது.

பைக்குகள், கார்கள் முன், பின் தொடர் கொட்டப்பட்டு, சுப்பிரமணியபுரம், டிவிஎஸ் சுங்கச்சாவடி, கல்லுக்குழி, வேர்ஹவுஸ் பாலம், தலைமை அஞ்சல் நிலைய சிக்னல், மேலப்புதூர்சாலை, சுரங்கப்பாதை, பாலக்கரை மேம்பாலம், கால்நடை மருந்தகம், முதன்மைக் கல்வி அலுவலர் அலுவலகம் வழியாக பிரசார இடமான மரக்கடைக்கு விஜய் வந்து சேர பிற்பகல் 2.50 மணியானது. 7.5 கி.மீ. தொலைவை கடந்து வர 5.30 மணி நேரத்துக்கும் மேலானது.