இஸ்ரேல்-ஈரான் போர் தீவிரம்: அடுத்தடுத்து பதிலடி

இஸ்ரேல்-ஈரான் இடையே ஒரு வாரத்திற்கும் மேலாக நீடித்துவரும் போர் மேலும் தீவிரமடைந்துள்ளது.

- 

டெஹ்ரான், ஜூன் 21: இரு நாடுகளும் பரஸ்பரம் பலத்த தாக்குதல் நடத்திய நிலையில், ஈரானுடன் நீண்ட காலம் போர் நடைபெற வாய்ப்புள்ளதாகவும், அதற்கு இஸ்ரேல் தயாராகி வருவதாகவும் இஸ்ரேல் ராணுவம் தெரிவித்தது.

ஈரானின் அணுசக்தி மற்றும் ஏவுகணைத் திட்டங்களால் தமக்கு அச்சுறுத்தல் இருப்பதாகக் கருதிய இஸ்ரேல், ஈரான் மீது வான்வழித் தாக்குதல் நடத்தியது. இதற்குப் பதிலடி அளிக்கும் நோக்கில், இஸ்ரேல் மீது ஈரான் ஏவுகணை மற்றும் ஆளில்லா விமான (ட்ரோன்) தாக்குதல் நடத்தி வருகிறது. இரு நாடுகளுக்கு இடையே ஒரு வாரத்திற்கும் மேலாக கடுமையான மோதல் நீடித்து வருகிறது.