ராசிபுரத்தில் வணிக நிறுவனங்களுக்கு இடையூறாக விளம்பரத் தட்டிகள்

ராசிபுரம் நகரில் புதிய பேருந்து நிலையம், பழைய பேருந்து நிலையம் உள்ளிட்ட பல பகுதிகளில் வணிக நிறுவனங்களுக்கு இடையூறாக வைக்கப்பட்டுள்ள விளம்பரத் தட்டிகள், பேனர்களால் வியாபாரிகள் பாதிக்கப்படுவதாக புகார் எழுந்துள்ளது.

- 

ராசிபுரம், ஏப். 26:

ராசிபுரம் நகரில் புதிய பேருந்து நிலையம் எதிரே மருந்துக் கடைகள், உணவகங்கள், பெட்டிக் கடைகள், பேக்கரிகள், தேநீர்க் கடைகள், மளிகைக் கடைகள் என ஏராளமான வணிக நிறுவனங்கள் உள்ளன. இப்பகுதியில் வியாபாரத்துக்கு இடையூறை ஏற்படுத்தும் அளவிற்கு விளம்பரத் தட்டிகள், பேனர்கள் வைக்கப்படுவதால் வியாபாரிகள் பாதிக்கப்படுகின்றனர்.