சபலென்கா - வோண்ட்ருசோவா

ஹார்டு கோர்ட் கிராண்ட்ஸ்லாம் போட்டிகளில் ஒன்றான யுஎஸ் ஓபனின் காலிறுதிச் சுற்றில், நடப்பு சாம்பியனான பெலாரஸின் அரினா சபலென்கா, செக் குடியரசின் மார்கெட்டா வோண்ட்ருசோவா மோதுகின்றனர்.

- 

நியூயார்க், செப். 1:

மகளிர் ஒற்றையர் காலிறுதிக்கு முந்தைய சுற்றில், உலகின் நம்பர் 1 வீராங்கனையான சபலென்கா 6-1, 6-4 என்ற நேர் செட்களில் மிக எளிதாக ஸ்பெயினின் கிறிஸ்டினா பக்ஸாவை தோற்கடித்தார். இதன் மூலமாக சபலென்கா, தொடர்ந்து 5-ஆவது முறையாக யுஎஸ் ஓபன் காலிறுதிக்கு வந்துள்ளார்.

மற்றொரு ஆட்டத்தில் வோண்ட்ருசோவா 6-4, 5-7, 6-2 என்ற செட்களில், முன்னாள் விம்பிள்டன் சாம்பியனான கஜகஸ்தானின் எலனா ரைபகினாவை வீழ்த்தி, காலிறுதிக்கு 2-ஆவது முறையாக முன்னேறியிருக்கிறார்.

ரைபகினாவை 3-ஆவது முறையாக சந்தித்த வோண்ட்ருசோவா, தனது 2-ஆவது வெற்றியைப் பதிவு செய்திருக்கிறார். யுஎஸ் ஓபனில் 2016-க்குப் பிறகு போட்டித்தரவரிசையில் இல்லாமலேயே, டாப் 10 இடத்திலிருக்கும் இரு வீராங்கனைகளை வீழ்த்தி கிராண்ட்ஸ்லாம் காலிறுதிக்கு வந்த முதல் வீராங்கனை என்ற பெருமையை அவர் பெற்றார்.