வைகை அணையிலிருந்து 58 கிராம கால்வாயில் தண்ணீர் திறக்கக் கோரிக்கை

மதுரை மாவட்டம், 58 கிராம பாசன கால்வாயில் உடனடியாக தண்ணீர் திறக்க வலியுறுத்தி மாவட்ட ஆட்சியரிடம் அதிமுகவினர் ஞாயிற்றுக்கிழமை மனு அளித்தனர்.

- 

மதுரை, ஆக. 10:

முன்னாள் அமைச்சரும், சட்டப்பேரவை எதிர்க்கட்சி துணைத் தலைவருமான ஆர்.பி. உதயகுமார் தலைமையில் அந்தக் கட்சியினர் ஆட்சியர் கே.ஜே. பிரவீன் குமாரிடம் மனுவை அளித்தனர்.

பின்னர், செய்தியாளர்களிடம் ஆர்.பி.உதயகுமார் கூறியதாவது: உசிலம்பட்டி, அதன் சுற்றுப்புறப் பகுதிகளுக்குப் பயன் தரும் ஒரே ஜீவாதாரமாக உள்ளது 58 கிராம பாசனக் கால்வாய். இந்தப் பகுதியின் வேளாண் பணிகள், கால்நடை வளர்ப்புக்கு 58 கிராம கால்வாயில் தண்ணீர் திறக்க வேண்டியது அவசியம்.