விளாச்சேரியில் தயாராகி வரும் விநாயகர் சிலைகள்

திருப்பரங்குன்றம் அருகேயுள்ள விளாச்சேரியில் விநாயகர் சதுர்த்தி விழாவுக்காக விநாயகர் சிலைகள் தயார் செய்யும் பணியில் தொழிலாளர்கள் ஈடுபட்டு வருகின்றனர்.

- 

திருப்பரங்குன்றம், ஆக. 2:

விளாச்சேரியில் சுமார் 200-க்கும் மேற்பட்ட குடும்பத்தினர் பொம்மை செய்யும் தொழிலில் ஈடுபட்டு வருகின்றனர். இவர்கள் விநாயகர் சதுர்த்தி, கிருஷ்ண ஜெயந்தி, நவராத்திரி, கிறிஸ்துமஸ் பண்டிகைகளுக்கு ஏற்ப பொம்மைகள் செய்து விற்பனை செய்கின்றனர். மதுரை மாவட்டம் மட்டுமல்லாது, தென் மாவட்டத்தின் பல்வேறு பகுதிகளிலிருந்தும், கேரளம், ஆந்திரம், கர்நாடகம் போன்ற வெளி மாநிலங்களிலிருந்தும் வியாபாரிகள் இங்கு வந்து பொம்மைகளை வாங்கிச் செல்கின்றனர். இவர்கள் களிமண் மட்டுமல்லாது, காகிதக் கூழ், பிளாஸ்டர் ஆப் பாரீஸ், சிமென்ட் ஆகியவற்றால் பல்வேறு சுவாமிகள், தேசத் தலைவர்களின் பொம்மைகளை வாடிக்கையாளர்களின் விருப்பத்துக்கு ஏற்ப 5 அங்குலம் முதல் 8 அடி வரை செய்து தருகின்றனர்.