பொது வேலைநிறுத்தம்: மதுரையில் மறியலில் ஈடுபட்ட 1,500 பேர் கைது

தேசிய பொது வேலை நிறுத்தப் போராட்டக் கோரிக்கைகளை வலியுறுத்தி, மதுரை ரயில் நிலையம் முன் புதன்கிழமை மறியலில் ஈடுபட்ட பல்வேறு தொழிற்சங்கங்களைச் சேர்ந்த நிர்வாகிகள், உறுப்பினர்கள் 1,500-க்கும் அதிகமானோர் கைது செய்யப்பட்டனர்.

- 

மதுரை/ திருப்பரங்குன்றம், ஜூலை 9:

மத்திய அரசு விலைவாசி உயர்வைக் கட்டுப்படுத்த வேண்டும். தொழிலாளர் விரோத சட்டத் தொகுப்புகளை திரும்பப் பெற வேண்டும். பொதுத்துறை நிறுவனங்களை தனியாருக்கு ஒப்படைக்கும் நடவடிக்கைகளை கைவிட வேண்டும். அரசுத் துறைகளில் உள்ள காலிப் பணியிடங்களை நிரப்ப வேண்டும். அரசுத் துறைகளில் ஒப்பந்தப் பணி, வெளி முகமைப் பணி முறைகளைக் கைவிட வேண்டும். பொதுத்துறை நிறுவன ஊழியர்களின் குறைந்தபட்ச ஊதியத்தை 26,000-ஆகவும், குறைந்தபட்ச ஓய்வூதியத்தை ரூ. 9 ஆயிரமாகவும் நிர்ணயிக்க வேண்டும் என்பன உள்ளிட்ட கோரிக்கைகளை வலியுறுத்தி, பல்வேறு தொழிற்சங்கங்கள் சார்பில் தேசிய அளவிலான வேலைநிறுத்தப் போராட்டம் புதன்கிழமை நடைபெற்றது.