தேர்தல் ஆணையக் கையேடுகளை தமிழில் வழங்க வேண்டும்

தேர்தல் ஆணையத்தின் கையேடுகளை தமிழில் மொழிபெயர்த்து வழங்க வேண்டும் என்று தில்லியில் வியாழக்கிழமை நடைபெற்ற கலந்துரையாடல் கூட்டத்தில் திமுக எம்.பி.க்கள் வலியுறுத்தினர்.

- நமது நிருபர்

நமது நிருபர் புது தில்லி, ஜூலை 17:

மாநில, தேசிய அளவில் அங்கீகரிக்கப்பட்ட அரசியல் கட்சிகளின் தலைவர்களுடன் நேரடி கலந்துரையாடல் வாயிலாக இந்திய தேர்தல் ஆணையம் பரிந்துரைகளைக் கேட்டு வருகிறது.

அதன்படி, திமுக தலைவர்களிடம் கருத்தறியும் கூட்டம் தேர்தல் ஆணையத்தில் வியாழக்கிழமை நடைபெற்றது.

இந்தக் கூட்டத்தில் தலைமைத் தேர்தல் ஆணையர் ஞானேஷ் குமார், தேர்தல் ஆணையர்கள் சுக்பீர் சிங் சாந்து, விவேக் ஜோஷி ஆகியோர் நாடாளுமன்ற திமுக உறுப்பினர்கள் என்.ஆர்.இளங்கோ, டி.எம்.செல்வகணபதி, தங்க. தமிழ்ச்செல்வன், எஸ்.முரசொலி, கே.ஆர்.என்.ராஜேஷ் குமார் ஆகியோர் அடங்கிய குழுவுடன் கலந்துரையாடினர்.

ஒரு மணி நேரத்துக்கும் மேலாக நடைபெற்ற இக்கூட்டத்தில் தேர்தல் நடைமுறைகள், செயல்பாடுகள் தொடர்பாக திமுக தரப்பில் முக்கிய கோரிக்கைகள் வலியுறுத்தப்பட்டன.