திருச்செந்தூர் கோயிலில் காவலர்-கண்காணிப்பாளரிடையே கைகலப்பு

திருச்செந்தூர் சுப்பிரமணிய சுவாமி கோயிலில் ஞாயிற்றுக்கிழமை, உறவினர்களை தரிசனத்துக்கு முறைகேடாக அனுப்பியதாக காவலர்-கண்காணிப்பாளரிடையே வாக்குவாதம், கைகலப்பு ஏற்பட்டது.

- 

திருச்செந்தூர், செப். 7: இதையடுத்து, தாங்கள் தாக்கப்பட்டதாகக் கூறி இருவரும் மருத்துவமனைகளில் சேர்ந்தனர்.

சந்திரகிரகணத்தை முன்னிட்டு, இங்கு ஞாயிற்றுக்கிழமை பிற்பகல் 2 மணி வரை மட்டுமே தரிசனத்துக்கு அனுமதி வழங்கப்பட்டிருந்தது. இதனால், அதிகாலை முதலே பக்தர்கள் குவிந்தனர். அவர்கள் இலவச பொது தரிசனம், ரூ. 100 கட்டண தரிசனம், மூத்த குடிமக்களுக்கான பாதையில் பல மணி நேரம் காத்திருந்து சுவாமி தரிசனம் செய்தனர்.