நெல்லையப்பர் கோயிலில் நாளை தேரோட்டம்; பாதுகாப்பு அதிகரிப்பு

திருநெல்வேலி அருள்மிகு நெல்லையப்பர்- காந்திமதியம்மன் திருக்கோயில் ஆனிப் பெருந்திருவிழாவையொட்டி தேரோட்டம் செவ்வாய்க்கிழமை (ஜூலை 8) நடைபெற உள்ளது.

- 

திருநெல்வேலி, ஜூலை 6: இதையொட்டி திருநெல்வேலி நகரப் பகுதியில் பாதுகாப்பு அதிகரிக்கப்பட்டுள்ளது.

திருநெல்வேலியில் உள்ள பழமைவாய்ந்த இத்திருக்கோயிலில் ஆண்டுதோறும் ஆனிப் பெருந்திருவிழா கோலாகலமாக நடைபெறும். நிகழாண்டுக்கான விழா கடந்த ஜூன் 30 ஆம் தேதி கொடியேற்றத்துடன் தொடங்கியது.

தொடர்ந்து, திருவிழா நாள்களில் தினமும் காலை, மாலை வேளைகளில் பல்வேறு வாகனங்களில் சுவாமி-அம்மன் வீதியுலா நடைபெற்றது.