ரபாடா, யான்சென் ஆதிக்கம்: 212-க்கு சுருண்டது ஆஸ்திரேலியா

உலக டெஸ்ட் சாம்பியன்ஷிப் இறுதி ஆட்டத்தின் முதல் இன்னிங்ஸில் ஆஸ்திரேலியா 212 ரன்களுக்கே ஆட்டமிழந்தது.

- 

லண்டன், ஜூன் 11:

தென்னாப்பிரிக்க வேகப்பந்து வீச்சாளர்களான ககிசோ ரபாடா, மார்கோ யான்சென் போட்டி போட்டுக்கொண்டு விக்கெட்டுகள் வீழ்த்தினர். ஆஸ்திரேலிய இன்னிங்ஸில் பியூ வெப்ஸ்டர், ஸ்டீவ் ஸ்மித் ஆகியோர் ஸ்கோரை உயர்த்த உதவினர்.

தென்னாப்பிரிக்கா - ஆஸ்திரேலியா இடையேயான உலக டெஸ்ட் சாம்பியன்ஷிப் இறுதி ஆட்டம், லண்டன் லார்ட்ஸ் மைதானத்தில் புதன்கிழமை தொடங்கியது. ஐசிசி தலைவர் ஜெய் ஷா, மைதான வளாகத்திலிருந்த மணியை ஒலித்து, ஆட்டத்தைத் தொடங்கி வைத்தார்.

முன்னதாக டாஸ் வென்ற தென்னாப்பிரிக்கா, ஆஸ்திரேலியாவை பேட் செய்ய அழைத்தது. ஆஸ்திரேலிய இன்னிங்ஸை மார்னஸ் லபுஷேனுடன் இணைந்து தொடங்கிய உஸ்மான் கவாஜா, ரன்னின்றி வெளியேறினார். அடுத்து வந்த கேமரூன் கிரீனும் 4 ரன்களே சேர்த்த நிலையில், அதே ஓவரில் விடைபெற்றார்.