விலையில்லா வேஷ்டி, சேலை உற்பத்தி குறைப்பால் விசைத்தறியாளர்கள் பரிதவிப்பு

தமிழக அரசால் பொங்கல் பண்டிகையின்போது, வறுமைக் கோட்டுக்குக் கீழ் உள்ள மக்களுக்கு வழங்கப்படும் விலையில்லா வேஷ்டி, சேலை திட்டத்தில் உற்பத்தி குறைக்கப்பட்டுள்ளதால் 1 லட்சம் நெசவுத் தொழிலாளர்களுக்கு 3 மாதம் வேலையிழப்பு ஏற்படும் என விசைத்தறியாளர்கள் வேதனை தெரிவித்துள்ளனர்.

- 

ஈரோடு, ஆக.17:

ஆண்டுதோறும் பொங்கல் பண்டிகையின் போது அரசு சார்பில் வறுமைக்கோட்டுக்குக் கீழ் உள்ள மக்களுக்கு விலையில்லா வேஷ்டி, சேலை வழங்கப்பட்டு வருகிறது. வரும் 2026 ஜனவரி பொங்கல் பண்டிகையின்போது, பொதுமக்களுக்கு விலையில்லா வேஷ்டி, சேலை வழங்குவதற்காக வேஷ்டி, சேலை உற்பத்திக்கான அரசாணை கடந்த ஏப்ரல் மாதம் வெளியானது. மேலும் வேஷ்டி உற்பத்திக்கான நூல் விசைத்தறியாளர்களுக்கு வழங்கப்பட்டது.

இதையடுத்து உற்பத்தி பணியை விசைத்தறியாளர்கள் தொடங்கியுள்ளனர். இதனிடையே கடந்த ஆண்டை விட இந்த ஆண்டு குறைவான எண்ணிக்கையில் வேஷ்டி, சேலை, உற்பத்திக்கு அரசாணை வெளியிடப்பட்டுள்ளதாக குற்றச்சாட்டு எழுந்துள்ளது.