ஐஐடி கரக்பூரில் மாணவர்கள் தற்கொலை செய்வது ஏன்?

உச்சநீதிமன்றம் கேள்வி

- 

புது தில்லி, ஜூலை 28: மேற்கு வங்கத்தில் உள்ள ஐஐடி கரக்பூரில் மாணவர்கள் தற்கொலை செய்வது ஏன் என உச்சநீதிமன்றம் திங்கள்கிழமை கேள்வி எழுப்பியது.

மேலும், ஐஐடி கரக்பூர் மற்றும் உத்தரப் பிரதேசத்தின் நொய்டாவில் உள்ள ஷாரதா பல்கலைக்கழகத்தில் மாணவர் மற்றும் மாணவி தற்கொலை செய்து கொண்ட சம்பவத்தில் விசாரணையை விரைவுபடுத்தவும் உச்சநீதிமன்றம் உத்தரவிட்டது.

உயர்கல்வி நிறுவனங்களில் மாணவர்கள் தற்கொலை செய்து கொள்ளும் சம்பவங்கள் தொடர்பாக உச்சநீதிமன்ற நீதிபதிகள் ஜெ.பி.பார்திவாலா மற்றும் ஆர்.மகாதேவன் ஆகியோர் அடங்கிய அமர்வு திங்கள்கிழமை விசாரித்தது. அப்போது ஐஐடி கரக்பூரில் 4-ஆம் ஆண்டு பொறியியல் மாணவர் ஒருவர் தற்கொலை மற்றும் ஷாரதா பல்கலைக்கழகத்தில் மாணவி ஒருவர் தற்கொலை செய்துகொண்ட சம்பவங்களின் விசாரணை நிலை குறித்து நீதிபதிகள் அமர்வு கேட்டறிந்தது.

இந்த இரு வழக்குகளிலும் உச்ச நீதிமன்றத்துக்கு ஆலோசகராக மூத்த வழக்குரைஞர் அபர்ணா பட் செயல்பட்டு வருகிறார்.