பவானிசாகர் அணை நீர்மட்டம் 100 அடியை எட்டுவதால் வெள்ள அபாய எச்சரிக்கை

பவானிசாகர் அணையின் நீர் மட்டம் தற்போது 99 அடியாக உயர்ந்துள்ளதால் ஓரிரு நாளில் 100 அடியை எட்டும் என எதிர்பார்க்கப்படுவதால் பவானி ஆற்றங்கரையோரம் வசிக்கும் மக்கள் பாதுகாப்பான இடத்துக்குச் செல்லுமாறு ஒலிபெருக்கி மூலம் பவானி ஆற்றங்கரையோரப் பகுதி மக்களுக்கு எச்சரிக்கை விடுக்கப்பட்டுள்ளது.

- 

சத்தியமங்கலம், ஜூலை 26:

நீலகிரி மாவட்டத்தில் பெய்யும் மழையின் காரணமாக பவானிசாகர் அணைக்கு நீர்வரத்து அதிகரித்து அணையின் நீர்மட்ட உயரம் கிடுகிடுவென உயர்ந்து 99 அடியாக உள்ளது. அணைக்கு முக்கிய நீர்வரத்தாக மாயாறும் பவானி ஆறும் உள்ள நிலையில் நீர்ப்பிடிப்புப் பகுதியில் தொடர்ந்து மழை பெய்து வருவதால் அணை நீர் மட்டம் 100 அடியை ஞாயிற்றுக்கிழமை எட்டும் என எதிர்பார்க்கப்படுகிறது.