சிறுபான்மையினருக்கு பாதுகாப்பான நாடு இந்தியா: கிரண் ரிஜிஜு

'இந்தியா மதச்சார்பற்ற நாடு; இங்கு சிறுபான்மையினர் மிகவும் பாதுகாப்பாக உள்ளனர்' என மத்திய சிறுபான்மையினர் விவகாரங்கள் துறை அமைச்சர் கிரண் ரிஜிஜு வெள்ளிக்கிழமை தெரிவித்தார்.

- 

புது தில்லி, ஜூலை 19:

மேலும், ஹிந்துக்கள் பெரும்பான்மையாக உள்ளதால் சிறுபான்மையினர் முழு சுதந்திரம் மற்றும் பாதுகாப்புடன் உள்ளதாகவும் அவர் தெரிவித்தார்.

பிடிஐ செய்தி நிறுவனத்துக்கு கிரண் ரிஜிஜு அளித்த பேட்டியில், காங்கிரஸ் தலைமையிலான ஆட்சியின்போது சிறுபான்மையினர் சித்ரவதை செய்யப்பட்டதுடன் படுகொலை செய்யப்பட்டனர். அப்போது அவர்கள் இந்தியாவில் வசிப்பதை பாதுகாப்பாக உணரவில்லை. ஆனால் தற்போதைய நிலை வேறு.

இந்தியாவைவிட்டு வெளியேற விரும்புவதாக இதுவரை எந்த ஒரு சிறுபான்மையின சமூகத்தைச் சேர்ந்தவரும் கூறியதில்லை. நாம் மதச்சார்பற்ற நாடு; நம் அரசியலமைப்புச் சட்டத்தை அனைவரும் மதித்து நடக்கிறோம்.

எனவே, இங்கு சிறுபான்மையினர் பெரும்பான்மையினர் என்ற வேறுபாடின்றி சட்டத்தின் முன் அனைவரும் சமமாகவே கருதப்படுகின்றனர்.