நாடாளுமன்றத்தைவிட மேலான அமைப்பு கிடையாது

நாடாளுமன்றத்தைவிட மேலானதாக எந்த அமைப்பையும் அரசமைப்புச் சட்டம் கருதவில்லை என்று குடியரசு துணைத் தலைவரும் மாநிலங்களவைத் தலைவரான ஜகதீப் தன்கர் செவ்வாய்க்கிழமை தெரிவித்தார்.

- 

புது தில்லி, ஏப். 22: நாடாளுமன்றத்தைவிட மேலானதாக எந்த அமைப்பையும் அரசமைப்புச் சட்டம் கருதவில்லை என்று குடியரசு துணைத் தலைவரும் மாநிலங்களவைத் தலைவரான ஜகதீப் தன்கர் செவ்வாய்க்கிழமை தெரிவித்தார்.

அரசமைப்புச் சட்டப் பதவி வகிப்போர் பேசும் ஒவ்வொரு வார்த்தையும் தேச நலனை மையமாகக் கொண்டது என்றும் அவர் தெரிவித்தார். உச்சநீதிமன்றம் மீதான தனது கருத்துகளை விமர்சித்துவரும் எதிர்க்கட்சிகளுக்கு தன்கர் இவ்வாறு பதிலடி கொடுத்துள்ளார்.

தமிழக ஆளுநருக்கு எதிராக மாநில அரசு தொடர்ந்த வழக்கில் அண்மையில் தீர்ப்பளித்த உச்சநீதிமன்றம், மசோதாக்கள் மீது முடிவெடுக்க குடியரசுத் தலைவர் மற்றும் ஆளுநருக்கு காலக்கெடு நிர்ணயித்தது. மேலும், தமிழக அரசின் 10 மசோதாக்களுக்கு அரசமைப்புச் சட்டப் பிரிவு 142-இன் கீழ் உள்ள அதிகாரத்தைப் பயன்படுத்தி உச்சநீதிமன்றமே ஒப்புதல் வழங்கியது.