193 பேருக்கு அண்ணா பதக்கம்: தமிழக அரசு அறிவிப்பு

அண்ணா பிறந்த நாளை முன்னிட்டு, தமிழக காவல் துறை, சீருடை அலுவலர்கள், பணியாளர்கள் உள்ளிட்ட 193 பேருக்கு அண்ணா பதக்கங்கள் வழங்க தமிழக அரசு அறிவித்துள்ளது.

- 

சென்னை, செப். 14:

இதுகுறித்து தமிழக அரசு சார்பில் ஞாயிற்றுக்கிழமை வெளியிடப்பட்ட செய்திக் குறிப்பு:

தமிழகத்தில் காவல் துறை, தீயணைப்பு மற்றும் மீட்புப் பணிகள் துறை, சிறைகள் மற்றும் சீர்திருத்தப் பணிகள், ஊர்க்காவல் படை, விரல்ரேகைப் பிரிவு மற்றும் தடய அறிவியல் துறைகளில் சிறப்பாகப் பணியாற்றிய அலுவலர்கள் மற்றும் பணியாளர்களை அங்கீகரிக்கும் வகையிலும் பணியில் ஈடுபாடு மற்றும் அர்ப்பணிப்புடன் பணிபுரிந்தவர்களைப் பாராட்டும் வகையிலும் ஆண்டுதோறும் செப்.15-ஆம் தேதி அண்ணா பிறந்த நாளன்று பதக்கங்கள் அறிவிக்கப்பட்டுள்ளன.