பிரதமரின் தாயை சித்தரித்து ஏ.ஐ. விடியோ: காங்கிரஸுக்கு பாஜக கடும் கண்டனம்

பிரதமர் நரேந்திர மோடி, அவரது மறைந்த தாயை சித்தரித்து, செயற்கை நுண்ணறிவு (ஏ.ஐ.) தொழில்நுட்பம் மூலம் உருவாக்கப்பட்ட விடியோவை பதிவிட்ட காங்கிரஸுக்கு பாஜக கடும் கண்டனம் தெரிவித்தது.

- 

பாட்னா/புது தில்லி, செப். 12: பிரதமர் நரேந்திர மோடி, அவரது மறைந்த தாயை சித்தரித்து, செயற்கை நுண்ணறிவு (ஏ.ஐ.) தொழில்நுட்பம் மூலம் உருவாக்கப்பட்ட விடியோவை பதிவிட்ட காங்கிரஸுக்கு பாஜக கடும் கண்டனம் தெரிவித்தது.

பிரதமர் மோடியை விமர்சிக்க, காங்கிரஸ் இந்த அளவுக்குத் தரம் தாழ்ந்துவிட்டதா என்று பாஜக கேள்வியெழுப்பியது. பிரதமர் மோடியின் கனவில் அவரது தாய் தோன்றி, அவரது அரசியல் செயல்பாடுகளை விமர்சிப்பது போன்று ஏ.ஐ. மூலம் சித்தரிக்கப்பட்ட விடியோவை, பிகார் காங்கிரஸ் தனது எக்ஸ் பக்கத்தில் வெளியிட்டது. தாய்-மகனின் சுவாரஸ்யமான உரையாடல் என்றும் பதிவிடப்பட்டது.