ஹிமாசல், உத்தரகண்ட் நிலச்சரிவில் 6 பேர் உயிரிழப்பு

ஹிமாசல பிரதேசம் மற்றும் உத்தரகண்டில் பலத்த மழையால் ஏற்பட்ட நிலச்சரிவில் 6 பேர் உயிரிழந்தனர்.

- 

சிம்லா, செப்.1:

ஹிமாசல பிரதேச தலைநகர் சிம்லாவில் ஞாயிற்றுக்கிழமை நள்ளிரவு முதல் தொடர்ந்து பலத்த மழை பெய்து வருகிறது. இதில் 4 பேர் உயிரிழந்தனர்.

மழை வெள்ளத்தில் பல சாலைகள் அடித்துச் செல்லப்பட்டன. சில இடங்களில் ரயில்வே தண்டவாளங்களும் சேதமடைந்த நிலையில் சிம்லா-கல்கா வழித்தடத்தில் செல்லும் 6 ரயில்கள் ரத்து செய்யப்பட்டன. 793 சாலைகள் மூடப்பட்டன.

செவ்வாய்க்கிழமை வரை அங்கு பலத்த மழை பெய்ய வாய்ப்புள்ளதால் அங்கு கடும் மழைப் பொழிவுக்கான சிவப்பு எச்சரிக்கை விடுக்கப்பட்டுள்ளது.