வீட்டில் பட்டாசுகள் தயாரித்த போது வெடி விபத்து: 3 பேர் உயிரிழப்பு

சாத்தூர் அருகே சனிக்கிழமை வீட்டில் சட்டவிரோதமாக பட்டாசுகள் தயாரித்தபோது ஏற்பட்ட வெடி விபத்தில் 3 பேர் உயிரிழந்தனர்.

- 

சாத்தூர்/சென்னை, ஆக. 9:

விருதுநகர் மாவட்டம், சாத்தூர் அருகேயுள்ள விஜயகரிசல்குளம் கிழக்குத் தெருவைச் சேர்ந்தவர் பொன்னுபாண்டியன் (50). இவர் தனது வீட்டில் அனுமதியின்றி சட்டவிரோதமாக பட்டாசுகள் தயாரித்து வந்தார். கீழகோதைநாச்சியார்புரத்தைச் சேர்ந்த ஜெகதீஸ்வரன் (21), விஜயகரிசல்குளத்தைச் சேர்ந்த மாரியம்மாள் (48), முத்துலட்சுமி (70), சண்முகத்தாய் (60) ஆகியோர் சனிக்கிழமை சரவெடிப் பட்டாசுகள் தயாரிக்கும் பணியில் ஈடுபட்டனர். அப்போது, மருந்துக் கலவையின் உராய்வு காரணமாக வெடி விபத்து நிகழ்ந்தது.