திருப்பரங்குன்றம், பழனியில் பக்தர்கள் சுவாமி தரிசனம்

ஆடி கிருத்திகையை முன்னிட்டு, திருப்பரங்குன்றம் சுப்பிரமணிய சுவாமி கோயில், பழனி மலைக் கோயிலில் ஞாயிற்றுக்கிழமை பக்தர்கள் காத்திருந்து சுவாமி தரிசனம் செய்தனர்.

- 

திருப்பரங்குன்றம்/பழனி, ஜூலை 20:

முருகனின் அறுபடை வீடுகளில் முதல் படை வீடான திருப்பரங்குன்றம் கோயிலில் குடமுழுக்கு நடைபெற்று ஒரு வாரமே ஆன நிலையில், ஆடி கிருத்திகையையொட்டி, ஞாயிற்றுக்கிழமை அதிகாலை 5 மணிக்கு நடை திறக்கப்பட்டது. அப்போது, சுவாமி தரிசனம் செய்ய திரளான பக்தர்கள் குவிந்தனர். காலை 10 மணி யளவில் சந்நிதி தெரு பகுதியில் ஆயிரக்கணக்கான பக்தர்கள் குவிந்ததால், கோயில் வாசல் பகுதியில் உள்ள கதவை அடைத்து பக்தர்களை கொஞ்சம் கொஞ்சமாக உள்ளே அனுப்பினர்.