மாநகராட்சி நடவடிக்கைக்கு மாமன்ற உறுப்பினர்கள் இடையூறு

பொது இடங்களில் சுற்றித் திரியும் கால்நடைகளை பறிமுதல் செய்யும் மாநகராட்சி நிர்வாகத்துக்கு நெருக்கடி அளிக்கும் மாமன்ற உறுப்பினர்கள், இடையூறு ஏற்படுத்தும் மாடுகளின் உரிமையாளர்கள் குறித்து அமைச்சர், ஆட்சியரிடம் புகார் அளிக்க அலுவலர்கள் திட்டமிட்டுள்ளனர்.

- நமது நிருபர்

திண்டுக்கல், மே 4:

திண்டுக்கல் மாநகராட்சிக் குள்பட்ட பிரதான சாலைகளில் சுற்றித் திரியும் கால்நடைகளால், வாகன ஓட்டிகள் மட்டுமன்றி, பொதுமக்களுக்கும் இடையூறு ஏற்பட்டு வருகிறது. குறிப்பாக, ஆர்.எம். குடியிருப்பு, நேருஜி நகர், பழனி சாலை, ஆர்.எஸ். சாலை, காந்தி காய்கறி சந்தை சாலை உள்ளிட்ட இடங்களில், திடீரென குறுக்கே வந்து நிற்கும் பசுமாடுகளால், வாகன ஓட்டிகள் விபத்துகளில் சிக்கும் நிலை ஏற்படுகிறது.

பொது இடங்களில் சுற்றித் திரியும் கால்நடைகள் குறித்து, மாநகராட்சி அலுவலர்களுக்கு பல முறை புகார் அளிக்கப்பட்ட நிலையில், கடந்த ஒரு மாதமாக தீவிர நடவடிக்கை எடுக்கப்பட்டு வருகிறது. ஆனாலும், அரசியல் வாதிகள், குறிப்பாக 2 மாமன்ற உறுப்பினர்கள், பொது இடங்களில் சுற்றித் திரியும் கால்நடைகளை பறிமுதல் செய்யும் நடவடிக்கைக்கு தொடர்ந்து இடையூறு ஏற்படுத்துவதாக குற்றச்சாட்டு எழுந்தது.