கடலாடி வட்டாட்சியர் அலுவலகத்தில் ரூ.60 லட்சம் முறைகேடு

கடலாடி வட்டாட்சியர் அலுவலகத்தில் உதவித் தொகை வழங்கும் திட்டத்தில் வங்கிகளுக்கு செலுத்த வேண்டிய சேவைக் கட்டணம் ரூ.60 லட்சத்தை முறைகேடு செய்ததாக 2 பேரை போலீஸார் சனிக்கிழமை கைது செய்தனர்.

- 

கமுதி/ திருவாடானை, மார்ச் 29:

வருவாய்த் துறை மூலம் சமூக பாதுகாப்புத் திட்டத்தின் கீழ் முதியோர் உதவித் தொகை, விதவை உதவித் தொகை, கணவரால் கைவிடப்பட்டோருக்கான உதவித் தொகை, முதிர்கன்னி உதவித் தொகை உள்ளிட்ட உதவித் தொகைகள் வழங்கும் திட்டத்தில் பயனாளிகளுக்கு மாதந்தோறும் ரூ.1,200 வழங்கப்படுகிறது.

இதற்காக பயனாளிகளின் சேமிப்புக் கணக்கு உள்ள வங்கிகளுக்கு பயனாளி ஒருவருக்கு சேவைக் கட்டணமாக ரூ.30 அரசு சார்பில் செலுத்தப்படுகிறது.

இதில், கடலாடி வட்டாரத்தில் சுமார் 9 ஆயிரம் பேர் உதவித் தொகை பெற்று வருகின்றனர்.