நேஷனல் ஹெரால்ட் வழக்கு: சோனியா, ராகுலுக்கு தில்லி உயர்நீதிமன்றம் நோட்டீஸ்

நேஷனல் ஹெரால்ட் வழக்கில் அமலாக்கத் துறையின் மேல்முறையீட்டு மனு தொடர்பாக பதிலளிக்குமாறு சோனியா காந்தி, ராகுல் காந்தி உள்ளிட்டோருக்கு தில்லி உயர்நீதிமன்றம் திங்கள்கிழமை நோட்டீஸ் பிறப்பித்தது.

- 

நேஷனல் ஹெரால்ட் விவகாரத்தில் அமலாக்கத் துறை தாக்கல் செய்த குற்றப்பத்திரிகையை தில்லி விசாரணை நீதிமன்றம் ஏற்க மறுத்துவிட்டது. இதுகுறித்து அந்த நீதிமன்றம் அண்மையில் அளித்தத் தீர்ப்பில், 'நேஷனல் ஹெரால்ட் விவகாரம் தொடர்பாக சிபிஐ வழக்குப் பதிவு (எஃப்ஐஆர்) செய்யவில்லை. அவ்வாறு வழக்குப் பதிவு செய்வது பண முறைகேடு நடைபெற்றதா? என்ற கோணத்தில் விசாரணை நடத்த வழிவகுக்கும். இதுபோல பதிவு செய்யப்பட்ட வழக்கை அடிப்படையாகக் கொள்ளாமல், தனி நபர் (சுப்பிரமணியன் சுவாமி) அளித்த புகாரின் அடிப்படையில்தான் அமலாக்கத் துறை விசாரணை நடைபெற்றுள்ளது.