அலிசா ஹீலி அதிரடி: ஆஸ்திரேலியா வெற்றி

மகளிர் உலகக் கோப்பை கிரிக்கெட் போட்டியின் 13-ஆவது ஆட்டத்தில், நடப்பு சாம்பியனான ஆஸ்திரேலியா 3 விக்கெட்டுகள் வித்தியாசத்தில் இந்தியாவை ஞாயிற்றுக்கிழமை வென்றது.

- 

முதலில் இந்தியா 48.5 ஓவர்களில் 10 விக்கெட்டுகளும் இழந்து 330 ரன்கள் சேர்க்க, ஆஸ்திரேலியா 49 ஓவர்களில் 7 விக்கெட்டுகள் இழப்புக்கு 331 ரன்கள் எடுத்து வெற்றி பெற்றது.

முன்னதாக டாஸ் வென்ற ஆஸ்திரேலியா, பந்துவீச்சை தேர்வு செய்தது. இந்திய அணியின் பேட்டிங்கில், ஸ்மிருதி மந்தனா 9 பவுண்டரிகள், 3 சிக்ஸர்களுடன் 80, பிரதிகா ராவல் 10 பவுண்டரிகள், 1 சிக்ஸருடன் 75 ரன்கள் சேர்த்து நல்லதொரு தொடக்கத்தை அளித்து வெளியேறினர்.