112 'நலம் காக்கும் ஸ்டாலின்' மருத்துவ முகாம்: 1.48 லட்சம் பேர் பயன்

தமிழகத்தில் இதுவரை 112 'நலம் காக்கும் ஸ்டாலின்' திட்ட மருத்துவ முகாம்களில் 1.48 லட்சம் பேர் பயன்பெற்றுள்ளனர் என்று அமைச்சர் மா.சுப்பிரமணியன் தெரிவித்தார்.

- 

சென்னை, ஆக. 30:

சென்னை மாநகராட்சி, மணலி மண்டலம், எவர்வின் வித்யாஸ்ரம் பள்ளியில் 'நலம் காக்கும் ஸ்டாலின்' திட்ட மருத்துவ முகாம் சனிக்கிழமை நடைபெற்றது. முகாமை மருத்துவம் மற்றும் மக்கள் நல்வாழ்வுத் துறை அமைச்சர் மா.சுப்பிரமணியன் பார்வையிட்டு ஆய்வு செய்து, மாற்றுத்திறனாளிகளுக்கான மருத்துவச்சான்றிதழ்களை வழங்கினார்.

பின்னர், அமைச்சர் மா.சுப்பிரமணியன் செய்தியாளர்களுக்கு அளித்த பேட்டி: தமிழகத்தில் மக்களைத் தேடி மருத்துவம், இன்னுயிர் காப்போம் நம்மை காக்கும்-48, நடப்போம் நலம் பெறுவோம், சிறுநீரகம் பாதுகாப்போம், மக்களைத் தேடி ஆய்வகம், தொழிலாளர்களைத் தேடி மருத்துவத் திட்டம் உள்ளிட்ட ஏராளமான திட்டங்கள் சிறப்பாகச் செயல்படுத்தப்படுகின்றன.