குஜராத்: பாலம் இடிந்து 11 பேர் உயிரிழப்பு

ஆற்றில் விழுந்த 6 வாகனங்கள்

- 

வதோதரா, ஜூலை 9: குஜராத் மாநிலம், வதோதரா மாவட்டத்தில் 40 ஆண்டுகள் பழைமையான பாலத்தின் ஒரு பகுதி திடீரென இடிந்ததில், அதன் வழியாகச் சென்று கொண்டிருந்த 6 வாகனங்கள் ஆற்றுக்குள் விழுந்தன.

இதில் ஒரே குடும்பத்தைச் சேர்ந்த மூவர் உள்பட 11 பேர் உயிரிழந்தனர். இவர்களில் 2 பேர் குழந்தைகள். ஆற்றுப் பாலம் துண்டாக இடிந்து விழுந்த சம்பவம், பொதுமக்கள் மத்தியில் அதிர்ச்சியை ஏற்படுத்தியுள்ளது.

குஜராத்தின் வதோதரா, ஆனந்த் ஆகிய மாவட்டங்களுக்கு இடையே மஹிசாகர் ஆற்றின் குறுக்கே 23 உயரமான தூண்களுடன் 900 மீட்டர் நீள பாலம் அமைந்துள்ளது. 1985-ஆம் ஆண்டில் மக்களின் பயன்பாட்டுக்குத் திறக்கப்பட்ட இப்பாலம், மத்திய குஜராத், சௌராஷ்டிரா பகுதிக்கு இணைப்பை வழங்குவதாகும்.