இந்தியா, டிரினிடாட்-டொபேகோ இடையே 6 ஒப்பந்தங்கள்

ஆர்ஜென்டீனாவில் பிரதமர் மோடி

- 

போர்ட் ஆஃப் ஸ்பெயின், ஜூலை 5: இந்தியா, டிரினிடாட் - டொபேகோ இடையே உள்கட்டமைப்பு, மருந்து தயாரிப்பு உள்ளிட்ட துறைகளில் ஒத்துழைப்பை வலுப்படுத்த 6 ஒப்பந்தங்கள் கையொப்பமாகின. பிரதமர் நரேந்திர மோடி, டிரினிடாட் - டொபேகோ நாட்டின் பிரதமர் கம்லா பெர்சாத்-பிஸ்ஸேசர் இடையிலான இருதரப்பு பேச்சுவார்த்தைக்கு பிறகு இந்த ஒப்பந்தங்கள் கையொப்பமிடப்பட்டன.

ஐந்து நாடுகளுக்கான அரசுமுறைப் பயணத்தை கடந்த புதன்கிழமை தொடங்கிய பிரதமர் மோடி, முதலாவதாக ஆப்பிரிக்க நாடான கானாவுக்கு பயணித்தார். அங்கிருந்து, கரீபியன் இரட்டை தீவு நாடான டிரினிடாட்-டொபேகோ தலைநகர் போர்ட் ஆஃப் ஸ்பெயினுக்கு வியாழக்கிழமை வந்த அவர், இந்திய வம்சாவளியினரின் நிகழ்ச்சியில் பங்கேற்றார்.