இந்திய இளைஞருக்கு ரூ.853 கோடி சம்பளத்தில் மெட்டா நிறுவன வேலை

ஐஐடி கான்பூரில் பட்டப்படிப்பை முடித்து ஓபன் ஏஐ நிறுவனத்தில் ஆய்வாளராகப் பணியாற்றிய திரபித் பன்சால் என்ற இந்திய வம்சாவளி இளைஞருக்கு ஆண்டுக்கு ரூ.853 கோடி (10 கோடி டாலர்) சம்பளத்தில் மெட்டா நிறுவனம் வேலை வழங்கியுள்ளது.

- 

புது தில்லி, ஜூலை 3:

மனிதர்களுக்கு நிகராக பல்வேறு பணிகளை மேற்கொள்ளும் திறனுடைய செயற்கை பொது நுண்ணறிவு (ஏஜிஐ) மாதிரிகளை உருவாக்கும் மெட்டா நிறுவனத்தின் சிறப்பு நுண்ணறிவு பிரிவில் பணியாற்ற திரபித் பன்சால் தேர்வு செய்யப்பட்டுள்ளார்.

ஓபன்ஏஐ, கூகுள் டீப்மைண்ட், ஆந்த்ரோபிக் போன்ற நிறுவனங்களின் செயற்கை நுண்ணறிவு (ஏஐ) மாதிரிகளுடன் போட்டியிடும் வகையில் ஏஜிஐ உருவாக்கத்தில் மெட்டா களமிறங்கியுள்ளது.