அஞ்செட்டி அருகே காரில் கடத்தி சிறுவன் கொலை

அஞ்செட்டி அருகே 13 வயது சிறுவன் காரில் கடத்திச் செல்லப்பட்டு கொலை செய்யப்பட்டது தொடர்பாக 2 இளைஞர்களிடம் போலீஸார் விசாரணை நடத்தி வருகின்றனர்.

- 

ஒசூர், ஜூலை 3: கொலை குற்றவாளிகளை உடனடியாக கைதுசெய்து, நடவடிக்கை எடுக்க வலியுறுத்தி பொதுமக்கள் சாலை மறியலில் ஈடுபட்டதால் பரபரப்பு ஏற்பட்டது.

கிருஷ்ணகிரி மாவட்டம், அஞ்செட்டி வட்டம், மாவனட்டிகிராமத்தைச் சேர்ந்த கட்டடத் தொழிலாளி சிவராஜ் - மஞ்சுளா தம்பதியின் இளைய மகன் ரோஹித் (13), அந்தப் பகுதியில் உள்ள அரசுப் பள்ளியில் 8-ஆம் வகுப்பு படித்து வந்தார். ரோஹித்துக்கு உடல்நிலை சரியில்லை என புதன்கிழமை பள்ளிக்கு செல்லவில்லை.

இந்நிலையில், மாலை 4 மணி அளவில் அந்தப் பகுதியில் உள்ள நண்பர்களுடன் ரோஹித் விளையாடச் சென்றார். இரவு நீண்ட நேரமாகியும் அவர் வீட்டுக்கு வராததால், பெற்றோர் பல இடங்களில் தேடினர். அவர் கிடைக்காததால் இரவு 8 மணி அளவில் அஞ்செட்டி காவல் நிலையத்தில் புகார் அளித்தனர்.