தனியார் நிறுவனப் பணிகளில் இடஒதுக்கீடு

மத்திய அமைச்சர் வலியுறுத்தல்

- 

ராய்பூர், ஜூலை 2: தனியார் நிறுவனப் பணிகளில் இடஒதுக்கீட்டை அமல்படுத்த வேண்டும் என்று மத்திய சமூகநீதி, அதிகாரமளித்தல் துறை இணையமைச்சர் ராம்தாஸ் அதாவலே வலியுறுத்தியுள்ளார்.

மகாராஷ்டிரத்தைச் சேர்ந்த தலித் தலைவரான அதாவலே, இந்திய குடியரசுக்கட்சி (ஏ) தலைவராகவும் உள்ளார். ஜார்க்கண்ட் மாநிலம் ராய்பூரில் செய்தியாளர்களைச் சந்தித்த அவர் மேலும் கூறியதாவது:

மக்கள்தொகைக்கணக்கெடுப்புடன் ஜாதிவாரி கணக்கெடுப்பும் நடத்தும் பிரதமர் நரேந்திர மோடியின் முடிவு வரலாற்றுச் சிறப்புமிக்கது. காங்கிரஸ் ஆட்சிக்காலத்தில் இதனை புறக்கணித்து வந்தனர். இதர பிற்படுத்தப்பட்டோர் குறித்த கணக்கெடுப்பு வேண்டும் என்பதையும் நான் வலியுறுத்தியுள்ளேன். முன்பு காங்கிரஸ் கூட்டணியில் இருந்தபோதும் இந்த கோரிக்கையை முன்வைத்தேன்.