இலங்கை கடற்படையினரால் ராமேசுவரம் மீனவர்கள் 7 பேர் கைது

கச்சத்தீவு அருகே மீன்பிடித்துக் கொண்டிருந்த ராமேசுவரம் மீனவர்கள் 7 பேரை இலங்கை கடற்படையினர் கைது செய்துடன், ஒரு விசைப் படகைப் பறிமுதல் செய்தனர்.

- 

ராமேசுவரம், ஜூலை 1:

ராமநாதபுரம் மாவட்டம், ராமேசுவரத்திலிருந்து திங்கள்கிழமை 400 விசைப் படகுகளில் 3 ஆயிரத்துக்கும் மேற்பட்ட மீனவர்கள் மீன்வளத்துறை அனுமதி பெற்று கடலுக்குள் மீன் பிடிக்கச் சென்றனர்.

இவர்கள் செவ்வாய்க்கிழமை அதிகாலை கச்சத்தீவு - தலைமன்னாருக்கு இடையே மீன் பிடித்துக் கொண்டிருந்த போது, அங்கு ரோந்துப் படகில் வந்த இலங்கைக் கடற்படையினர் மீனவர்கள் மீது தாக்குதல் நடத்தி விரட்டியடித்தனர். இதையடுத்து, ஆரோக்கிய டேனியல் என்பவருக்குச் சொந்தமான விசைப் படகைப் பறிமுதல் செய்தனர்.