பரந்தூர் விமான நிலைய திட்டம்: நிலங்களுக்கு விலை நிர்ணயம்

பரந்தூரில் விமான நிலையம் அமைப்பதற்காக கையகப்படுத்தவுள்ள நிலங்களுக்கான விலை நிர்ணய விவரங்களை அரசு வெளியிட்டுள்ளது.

- 

சென்னை, ஜூன் 29: அதன்படி, ஏக்கருக்கு ரூ.35 லட்சம் முதல் ரூ.2.51 கோடி வரை விலை நிர்ணயம் செய்யப்பட்டு அதற்கான அரசாணை பிறப்பிக்கப்பட்டுள்ளது.

காஞ்சிபுரம் மாவட்டம், பரந்தூர் மற்றும் அதைச்சுற்றியுள்ள 13 கிராமங்களில் உள்ள 5,746 ஏக்கர் பரப்பளவு நிலத்தில் பசுமை விமான நிலையம் அமைக்க திட்டமிடப்பட்டு, அதற்கான நிலம் கையகப்படுத்தும் பணிகளை அரசு முன்னெடுத்துள்ளது.

ஒருபுறம், ஏகனாபுரம் உள்ளிட்ட சில கிராம மக்கள் இந்த திட்டத்துக்கு எதிராக தொடர்ந்து போராட்டம் நடத்தி வந்தாலும், மற்றொருபுறம் விமான நிலையம் அமைக்கும் பணிகளை அரசு தீவிரப்படுத்தி வருகிறது.