குஜராத் விமான விபத்து: கருப்புப் பெட்டி ஆய்வுக்காக வெளிநாடு அனுப்பப்படாது

குஜராத்தில் விபத்துக்குள்ளான ஏர் இந்தியா விமானத்தின் கருப்புப் பெட்டி ஆய்வுக்காக வெளிநாட்டுக்கு அனுப்பி வைக்கப்படும் என்று சமூக ஊடகங்களில் வெளியான தகவலை விமானப் போக்குவரத்துத் துறை அமைச்சர் கே.ராம்மோகன் நாயுடு மறுத்தார்.

- 

புணே, ஜூன் 24:

‘கருப்புப் பெட்டி இந்தியாவில் தான் உள்ளது; அதிலுள்ள தரவுகளை விமான விபத்து விசாரணைப் பிரிவு (ஏஏஐபி) ஆய்வு செய்து வருகிறது’ என்று அவர் தெரிவித்தார்.

அகமதாபாத் சர்வதேச விமான நிலையத்தில் இருந்து வெளிநாட்டினர் உள்பட 230 பயணிகள் மற்றும் 12 ஊழியர்களுடன் லண்டனுக்கு கடந்த ஜூன் 12-ஆம் தேதி புறப்பட்ட ஏர் இந்தியா விமானம், மேலெழும்பிய சில நொடிகளிலேயே அருகில் உள்ள மருத்துவக் கல்லூரி விடுதி வளாகத்தில் விழுந்து நொறுங்கி வெடித்துச் சிதறியது.