வளரும் துறைகளில் பெண்கள் பங்களிப்பை அதிகரிக்க ரூ.1,185 கோடியில் புதிய திட்டம்

முதல்வர் அறிவிப்பு

- 

சென்னை, ஜூன் 10: வளர்ந்துவரும் துறைகளில் பெண் பணியாளர்களின் எண்ணிக்கையை அதிகரிக்கும் நோக்கத்துடன் ரூ.1,185 கோடி மதிப்பீட்டில் திட்டம் செயல்படுத்தப்படும் என்று முதல்வர் மு.க.ஸ்டாலின் அறிவித்தார்.

உலக வங்கியின் சென்னை சர்வதேச வணிக மையத்தை முதல்வர் மு.க.ஸ்டாலின் செவ்வாய்க்கிழமை திறந்து வைத்தார்.

இந்த நிகழ்ச்சியில் அவர் பேசியதாவது: உலக வங்கியுடனான நம்முடைய ஒருங்கிணைப்பு 1971-ஆம் ஆண்டிலிருந்து தொடர்கிறது. தமிழ்நாடு விவசாயக் கடன் திட்டத்தைச் செயல்படுத்தும்போது, உலக வங்கியுடன் பிணைப்பு ஏற்பட்டது. அப்போதுமுதல் தமிழ்நாட்டின் உள்கட்டமைப்பு, சுகாதாரம், கல்வி, பேரிடர் மேலாண்மை, நகர்ப்புற வளர்ச்சி போன்ற பலதரப்பட்ட துறைகளில் உலக வங்கி உறுதுணையாக இருந்து வருகிறது.

உலக வங்கியுடனான நீண்ட நெடிய உறவு பல்வேறு துறைகளில் பல நற்பலன்களை வழங்கியிருக்கிறது.