ஆசிரியர் காலணியால் மாணவரை அடித்தது ஏற்றுக் கொள்ள முடியாத குற்றம்

ஆசிரியர் காலணியால் மாணவரை அடித்தது ஏற்றுக் கொள்ள முடியாத குற்றம் என சென்னை உயர்நீதிமன்ற மதுரை அமர்வு அண்மையில் தெரிவித்தது.

- 

மதுரை, மே 29:

மதுரை மாவட்டத்தைச் சேர்ந்த கே. ரமேஷ் சென்னை உயர்நீதிமன்ற மதுரை அமர்வில் தாக்கல் செய்த மனு:

நான் மதுரை தெற்குவாசல் பகுதியில் உள்ள அரசு உதவி பெறும் பள்ளியில் முதுநிலைப் பட்டதாரி ஆசிரியராகப் பணிபுரிந்தேன். கடந்த 25.6.2024 அன்று பிளஸ் 1 வகுப்பு மாணவர்களுக்கு ஆங்கிலப் பாடம் நடத்திக் கொண்டிருந்தேன். அப்போது ஒரு மாணவர் பாடத்தைக் கவனிக்காமல் குறும்பு செய்து கொண்டிருந்தார். இதைக் கண்டித்ததால் அந்த மாணவர் எதிர்த்துப் பேசினார். இதனால் ஆத்திரமடைந்த நான் அந்த மாணவரை காலணியால் அடித்தேன்.

இதுகுறித்து அந்த மாணவரின் பெற்றோர், என் மீது பள்ளி நிர்வாகத்தினரிடம் புகார் அளித்தனர். பள்ளி நிர்வாகத்தினர் விசாரணை மேற்கொண்டு, என்னை பணி இடை நீக்கம் செய்தனர்.

இதையடுத்து நான் விருப்ப ஓய்வுபெற விரும்புவதாக மனு அளித்தேன். பிறகு, அந்த மனுவைத் திரும்பப் பெற்றுக் கொண்டு, மற்றொரு அரசு உதவி பெறும் பள்ளிக்கு விருப்ப பணியிட மாறுதலில் செல்வதற்காக நான் பணிபுரிந்த பள்ளி நிர்வாகத்துக்கு கோரிக்கை மனு அளித்தேன். இதற்கு பள்ளி நிர்வாகத்தினர் மறுத்துவிட்டனர்.