காவிரிப்பூம்பட்டினம் முதல் நாகப்பட்டினம் வரை ஆழ்கடல் அகழாய்வு

காவிரிப்பூம்பட்டினம் முதல் நாகப்பட்டினம் வரை விரிவான ஆழ்கடல் அகழாய்வு மேற்கொள்ளப்படும் என்று நிதிநிலை அறிக்கையில் அறிவிக்கப்பட்டுள்ளது.

- 

சென்னை, மார்ச் 14:

தமிழ் பண்பாட்டின் சிறப்புகளை உலகறியச் செய்யும் முயற்சியின் தொடர்ச்சியாக 2025-26 ஆம் ஆண்டில் தமிழகத்தில் தொல்லியல் அகழ்வாராய்ச்சிகள் சிவகங்கை மாவட்டம் - கீழடி, தூத்துக்குடி மாவட்டம் - பட்டணம்ருதுர், தென்காசி மாவட்டம் - கரிவலம்வந்தநல்லூர், நாகப்பட்டினம் மாவட்டம் - நாகப்பட்டினம், கடலூர் மாவட்டம் - மணிக்கொல்லை, கள்ளக்குறிச்சி மாவட்டம் - ஆதிச்சனூர், கோயம்புத்தூர் மாவட்டம் - வெள்ளளூர் மற்றும் சேலம் மாவட்டம் - தெலங்கனூர் ஆகிய இடங்களிலும் மேற்கொள்ளப்படும்.

பழந்தமிழரின் பண்பாட்டு அடையாளங்களைத் தேடும் பயணம் அண்டை மாநிலங்களில் உள்ள பாலூர் (ஒடிஸா), வெங்கி (ஆந்திரம்), மஸ்கி (கர்நாடகம்) ஆகிய பகுதிகளுக்கும் விரிவடைந்திருக்கிறது.