நாடாளுமன்றம் திட்டமிட்டு முடக்கப்படுவது நல்லதல்ல: ஓம் பிர்லா

சட்டப்பேரவைகள், நாடாளுமன்றம் திட்டமிட்டு முடக்கப்படுவது ஜனநாயக மதிப்பீடுகளுக்கு நல்லதல்ல என்று மக்களவைத் தலைவர் ஓம் பிர்லா தெரிவித்தார்.

- 

ஜெய்பூர், புதுதில்லி, மார்ச் 8: சட்டப்பேரவைகள், நாடாளுமன்றம் திட்டமிட்டு முடக்கப்படுவது ஜனநாயக மதிப்பீடுகளுக்கு நல்லதல்ல என்று மக்களவைத் தலைவர் ஓம் பிர்லா தெரிவித்தார்.

ராஜஸ்தான் தலைநகர் ஜெய்ப்பூரில் 'ராஜஸ்தான் அரசமைப்புச் சட்ட கிளப்' என்ற அமைப்பை சனிக்கிழமை தொடங்கி வைத்த ஓம் பிர்லா பேசியதாவது:

ஒருமித்த கருத்தும், கருத்து வேறுபாடுகளும்தான் ஜனநாயகத்தின் பலங்களாகும். ஆனால், சில சமயங்களில் சட்டப்பேரவைகள் மற்றும் நாடாளுமன்றத்தை திட்டமிட்டு முடக்கும் நிகழ்வுகள் நடைபெறுகின்றன.