தங்க அட்டை குடியுரிமைத் திட்டத்தின் கீழ் இந்தியர்களை அமெரிக்க நிறுவனங்கள் பணியமர்த்தலாம்: டிரம்ப்

'புதிதாக அறிமுகப்படுத்தப்பட உள்ள தங்க அட்டை குடியுரிமைத் திட்டத்தின் கீழ் அமெரிக்க உயர் பல்கலைக்கழகங்களிலிருந்து இந்திய பட்டதாரிகளை அமெரிக்க நிறுவனங்கள் பணிக்கு அமர்த்திக்கொள்ள முடியும்' என்று அமெரிக்க அதிபர் டொனால்ட் டிரம்ப் தெரிவித்துள்ளார்.

- 

வாஷிங்டன், பிப். 27:

அமெரிக்க அதிபராக டிரம்ப் பதவி ஏற்ற பிறகு, நாட்டின் பொருளாதாரத்தை மேம்படுத்தவும், நிதிப் பற்றாக்குறையை சரி செய்யவும் பல்வேறு அதிர்ஷ்ட நடவடிக்கைகளை மேற்கொண்டு வருகிறார். அமெரிக்காவில் சட்டவிரோதமாக குடியேறியவர்களை அவர்களின் நாட்டுக்கே திருப்பியனுப்பும் நடவடிக்கையை எடுத்து வருவதோடு, முதலீட்டாளர்களுக்கு புதிய சலுகைகளையும் அறிவித்து வருகிறார்.

அதுபோல, அமெரிக்காவில் தற்போது நடைமுறையில் உள்ள 'இபி-5' என்ற வெளிநாட்டு (புலம்பெயர்) முதலீட்டாளர்களுக்கான நுழைவு இசைவு (விசா) திட்டத்துக்கு மாற்றாக, 'தங்க அட்டை' (கோல்டு கார்ட்) என்ற புதிய குடியுரிமை திட்டத்தை டிரம்ப் அறிவித்துள்ளார்.