நான்கு நாள் சரிவுக்குப் பிறகு நேர்மறையாக முடிந்த பங்குச்சந்தை

தொடர்ந்து நான்கு நாள்களாக சரிவைச் சந்தித்து வந்த பங்குச்சந்தை, செவ்வாய்க்கிழமை 'காளை'யின் ஆதிக்கத்தில் வந்தது.

- நமது நிருபர்

நமது நிருபர் மும்பை / புது தில்லி, ஜூலை 15:

இதைத் தொடர்ந்து, மும்பை பங்குச்சந்தைக் குறியீட்டு எண்ணான சென்செக்ஸ் மற்றும் தேசிய பங்குச் சந்தைக் குறியீட்டு எண்ணான நிஃப்டி ஆகிய இரண்டும் லாபத்துடன் முடிவடைந்தன.

உலகளாவிய சந்தைக் குறிப்புகள் கலவையாக இருந்தன. இதன் தாக்கத்தால் உள்நாட்டுச் சந்தை எச்சரிக்கையுடன் தொடங்கி சற்று கீழே சென்றது.

இந்நிலையில், சில்லறை பணவீக்கம் ஆறு ஆண்டுகள் இல்லாத அளவாக 2.1 சதவீதமாகக் குறைந்து ரிசர்வ் வங்கியின் ஆறுதல் மண்டலத்தை நெருங்கி வந்துள்ளது.

இது சந்தைக்கு சாதகமாகப் பார்க்கப்படுகிறது.