ஆக்ஸியம்-4 விண்வெளி திட்டம் மீண்டும் ஒத்திவைப்பு

இந்திய விண்வெளி வீரர் சுபான்ஷு சுக்லா உள்பட 4 வீரர்களை சர்வதேச விண்வெளி நிலையத்துக்கு அழைத்துச் செல்லும் ‘ஆக்ஸியம்-4’ திட்டம் வரும் ஞாயிற்றுக்கிழமை (ஜூன் 22) செயல்படுத்தப்படவிருந்த நிலையில், திட்டத்தை அமெரிக்க விண்வெளி ஆய்வு நிறுவனமான நாசா மீண்டும் ஒத்திவைத்தது.

- 

புது தில்லி, ஜூன் 20:

சர்வதேச விண்வெளி நிலையத்தில் ரஷிய பிரிவில் அண்மையில் ஏற்பட்ட அழுத்தக் கோளாறுக்கான காரணம் குறித்து ஆராய கூடுதல் கால அவகாசம் தேவை என்பதால், ஆக்ஸியம்-4 திட்டம் ஒத்திவைக்கப்படுவதாக நாசா தெரிவித்தது.

அமெரிக்காவில் செயல்படும் மனித விண்வெளிப் பயண சேவைகள் நிறுவனமான ‘ஆக்ஸியம் ஸ்பேஸ்’ நிறுவனத்தின் ‘ஆக்ஸியம்-4’ திட்டத்தின் கீழ் மேற்கொள்ளப்படவுள்ள இந்த விண்வெளிப் பயணத்தில், சுக்லாவுடன் போலந்து வீரர் ஸ்லாவோஸ் உஸ்னான்ஸ்கி விஸ்னீவ்ஸ்கி, ஹங்கேரி வீரர் திபோர் கபு ஆகியோரும் விண்வெளிக்குச் செல்கின்றனர்.

சர்வதேச விண்வெளி நிலையத்தில் இவர்கள் 14 நாள்கள் தங்கியிருந்து ஆய்வுகளை மேற்கொள்ள உள்ளனர்.