கிரீன்லாந்தில் ஜே.டி. வான்ஸ் சர்ச்சை பேச்சு: டென்மார்க் கண்டனம்

டென்மார்க்கில் இருந்து வெளியேறி, தங்களுடன் கிரீன்லாந்து ஒப்பந்தம் செய்துகொள்ள வேண்டும் என்று அமெரிக்க துணை அதிபர் ஜே.டி. வான்ஸ் தெரிவித்துள்ள சர்ச்சைக்குரிய கருத்துக்கு டென்மார்க் கண்டனம் தெரிவித்துள்ளது.

- 

கோபன்ஹேகன், மார்ச் 29:

தாது வளங்கள் நிறைந்த கிரீன்லாந்தை அமெரிக்கா தனது கட்டுப்பாட்டுக்குள் கொண்டுவர வேண்டும் என்று அந்த நாட்டு அதிபர் டொனால்ட் டிரம்ப் கூறிவருகிறார். இதை டென்மார்க்கும் கிரீன்லாந்தும் தீவிரமாக எதிர்க்கும் நிலையில், உரிய அழைப்பின்றி இந்திய வம்சாவளியைச் சேர்ந்த ஜே.டி. வான்ஸின் மனைவி கிரீன்லாந்தில் பல நாட்களுக்கு சுற்றுப் பயணம் மேற்கொள்வதாக இருந்தது.

'கலாசார பயணம்' என்ற பெயரில் அவர் மேற்கொள்வதாக இருந்த அந்தப் பயணம் குறித்து டென்மார்க் தரப்பில் அதிருப்தி தெரிவிக்கப்பட்டது. கிரீன்லாந்தில் அவருக்கு எதிரான பல்வேறு ஆர்ப்பாட்டங்கள் அறிவிக்கப்பட்டன. இதன் காரணமாக பாதுகாப்பு ஏற்பாடுகளை விரிவுபடுத்த வேண்டிய நிலையும் அரசுக்கு ஏற்பட்டது.

இதற்கிடையே, உஷா வான்ஸுடன் இந்தப் பயணத்தில் ஜே.டி. வான்ஸும் இணைவதாக பின்னர் அறிவிக்கப்பட்டது சர்ச்சையை ஏற்படுத்தியது.