புதுவையில் புதிய அமைச்சராக ஜான்குமார் பதவியேற்பு

புதுவை அமைச்சரவையில் பாஜக சார்பில் புதிய அமைச்சராக ஏ. ஜான்குமார் திங்கள்கிழமை பதவியேற்றார்.

- 

அமைச்சரவையில் பாஜக சார்பில் புதிய அமைச்சராக ஏ. ஜான்குமார் திங்கள்கிழமை பதவியேற்றார். அவருக்கு துணைநிலை ஆளுநர் கே.கைலாஷ்நாதன் பதவிப் பிரமாணம் செய்து வைத்தார்.

புதுவையில் என்.ஆர். காங்கிரஸ்- பாரதிய ஜனதா கூட்டணி ஆட்சி நடைபெற்று வருகிறது. இதில் முதல்வர் என்.ரங்கசாமி உள்பட 4 பேர் என்.ஆர்.காங்கிரஸ் அமைச்சர்கள். அமைச்சர் ஆ.நமச்சிவாயம் உள்பட 2 பேர் பாஜகவை சேர்ந்தவர்கள். இந்நிலையில், கடந்த ஜூன் 27-இல் பாஜகவைச் சேர்ந்த ஏ.கே. சாய் ஜெ சரவணன் குமார் தனது அமைச்சர் பதவியை ராஜிநாமா செய்தார்.

அவருக்குப் பதிலாக காமராஜர் நகர் தொகுதி எம்எல்ஏ ஏ.ஜான்குமாருக்கு அமைச்சர் பதவி வழங்கப்பட்டது. இதையடுத்து அவர் திங்கள்கிழமை அமைச்சராகப் பதவி யேற்றார்.