100 நாள் வேலை திட்டத்துக்குப் பெரும் சேதம்: சோனியா காந்தி

நூறு நாள் வேலைத் திட்டச் சட்டத்தை அழித்தது பெரும் சேதத்தை ஏற்படுத்தும் என்று காங்கிரஸ் முன்னாள் தலைவர் சோனியா காந்தி தெரிவித்துள்ளார்.

- 

இதுதொடர்பாக ஆங்கில நாளிதழ் ஒன்றில் அவர் எழுதியுள்ள கட்டுரையில் தெரிவித்ததாவது:

அனைவருக்கும் நல்வாழ்வு என்ற மகாத்மா காந்தியின் விருப்பத்தை உணர்ந்து காங்கிரஸ் ஆட்சியில் 100 நாள் வேலைத் திட்ட சட்டம் கொண்டுவரப்பட்டது. குடிமக்களின் பணி உரிமையை அரசு பாதுகாக்க வேண்டும் என்று அரசமைப்புச் சட்டத்தின் 41-ஆவது பிரிவில் தெரிவிக்கப்பட்டுள்ளது. அந்தப் பிரிவு அளித்த உத்வேகத்தின்பேரில், உரிமை சார்ந்த சட்டமாக 100 வேலைத் திட்டச் சட்டம் இயற்றப்பட்டது. ஆனால் எந்தவொரு வாதம், ஆலோசனை, நாடாளுமன்ற மரபுகள் அல்லது மத்திய-மாநில உறவுகளுக்கு மதிப்பளிக்காமல் 100 நாள் வேலைத் திட்டச் சட்டத்தை ஒழிக்க மோடி அரசு பணியாற்றியுள்ளது.