சத்தீஸ்கர் ரயில் விபத்து: உயிரிழப்பு 11-ஆக உயர்வு

சத்தீஸ்கரில் சரக்கு ரயில் மீது பயணிகள் ரயில் மோதிய விபத்தில் உயிரிழந்தோர் எண்ணிக்கை 11-ஆக அதிகரித்துள்ளது.

- 

இந்த விபத்துக்கான காரணம் குறித்து தீவிர விசாரணை மேற்கொள்ளப்பட்டுள்ளது.

சத்தீஸ்கரின் பிலாஸ்பூர் ரயில் நிலையம் அருகே ஒரு தண்டவாளத்தில் நின்றிருந்த சரக்கு ரயிலின் பின்னால் கெவ்ரா-பிலாஸ்பூர் இடையிலான 'மெமு' பயணிகள் ரயில் செவ்வாய்க்கிழமை மோதி விபத்துக்குள்ளானது. மோதிய வேகத்தில் பயணிகளின் ரயிலின் முன்புற பெட்டி, சரக்கு ரயிலின் கடைசிப் பெட்டி மீது ஏறியது. இரு ரயில்களின் பல பெட்டிகளும் தடம்புரண்டன.