விபத்தில் சிக்கியவர்களுக்கு முன்பணம் பெறாமல் அவசர சிகிச்சை

கர்நாடக அரசு உத்தரவு

- 

பெங்களூரு, செப். 4: விபத்தில் சிக்கியவர்களுக்கு எவ்வித முன்பணமும் பெறாமல் உடனடியாக அவசர சிகிச்சை அளிக்க வேண்டும் என கர்நாடக அரசு உத்தரவிட்டுள்ளது.

இதுகுறித்து கர்நாடக அரசு வெளியிட்டுள்ள சுற்றறிக்கை: கர்நாடக தனியார் மருத்துவ நிறுவனங்கள் சட்டம் 2007-இன்படி, விபத்தில் சிக்கியவர் என்பதற்கு சாலை விபத்தில் சிக்கியவர் என்பது மட்டுமல்ல, தீக்காயங்களால் பாதிக்கப்பட்டோர் அல்லது நஞ்சு உட்கொண்டோர் அல்லது பயங்கர ஆயுதங்களால் தாக்கப்பட்டவர்கள் அல்லது சட்டரீதியாக அணுகக்கூடிய மருத்துவத் தேவைகள் தேவைப்படுவோரும் இந்த அடையாளத்திற்குள் வருகிறார்கள்.