தனியார் பள்ளிகளுக்கு நிரந்தர அங்கீகாரம் கோரி வழக்கு: அரசு பதிலளிக்க உத்தரவு

தனியார் பள்ளிகளுக்கு நிரந்தர அங்கீகாரம் வழங்குவது தொடர்பான தனியார் பள்ளிகள் இயக்குநரின் பரிந்துரையைப் பரிசீலிக்கக் கோரிய வழக்கில், தமிழக அரசு பதிலளிக்க சென்னை உயர்நீதிமன்றம் உத்தரவிட்டது.

- 

சென்னை, ஜூலை 21:

அகில இந்திய தனியார் கல்வி நிறுவன சங்கத்தின் மாநில பொதுச் செயலர் பழனியப்பன் சென்னை உயர்நீதிமன்றத்தில் தாக்கல் செய்த மனுவில், தமிழக அரசு கடந்த 1994-ஆம் ஆண்டு தனியார் பள்ளிகளுக்கு நிரந்தர அங்கீகாரம் வழங்கும் அரசாணையைப் பிறப்பித்தது. ஆனால், அந்த உத்தரவை அமல்படுத்தாமல் தனியார் பள்ளிகளுக்கு தற்காலிக அங்கீகாரம் மட்டுமே வழங்கி வந்தது. இதை எதிர்த்து கடந்த 2021-ஆம் ஆண்டு தொடரப்பட்ட வழக்கை விசாரித்த உயர்நீதிமன்றம், 1994-ஆம் ஆண்டு பிறப்பிக்கப்பட்ட அரசாணையை அமல்படுத்த உத்தரவிட்டது.