இந்தியாவின் கட்டுப்பாடுகளால் அமெரிக்க நிறுவனங்களுக்குப் பாதிப்பு: வெள்ளை மாளிகை

அமெரிக்காவின் மருத்துவ உபகரணங்கள், ரசாயனம் மற்றும் தொலைத்தொடர்பு துறைகள் மீது இந்தியாவின் தனித்துவமான ஆய்வு மற்றும் தரச்சான்று கட்டுப்பாடுகள் அமெரிக்க நிறுவனங்களுக்கு பெரும் சவால்களை ஏற்படுத்துகின்றன' அமெரிக்க அதிபர் அலுவலகமான வெள்ளை மாளிகை தெரிவித்துள்ளது.

- 

வாஷிங்டன், ஏப்.3: அமெரிக்காவின் மருத்துவ உபகரணங்கள், ரசாயனம் மற்றும் தொலைத்தொடர்பு துறைகள் மீது இந்தியாவின் தனித்துவமான ஆய்வு மற்றும் தரச்சான்று கட்டுப்பாடுகள் அமெரிக்க நிறுவனங்களுக்கு பெரும் சவால்களை ஏற்படுத்துகின்றன' அமெரிக்க அதிபர் அலுவலகமான வெள்ளை மாளிகை தெரிவித்துள்ளது.

அமெரிக்க பொருள்களுக்கு அதிக வரி விதிக்கும் நாடுகள் மீது பரஸ்பர வரி விதிப்பு அறிவிப்பை அதிபர் டிரம்ப் புதன்கிழமை வெளியிட்டதைத் தொடர்ந்து, அதிபரின் நடவடிக்கையை நியாயப்படுத்தும் வகையில் அதுதொடர்பான விவர அறிக்கையை வெள்ளை மாளிகை வெளியிட்டது. அதில் கூறியிருப்பதாவது:

அமெரிக்க பொருள்கள் மீது அதிக இறக்குமதி வரி மட்டுமின்றி, வரி அல்லாத தடைகளையும் நாடுகள் விதிப்பது, அமெரிக்க உற்பத்தியாளர்களின் உலகெங்கும் உள்ள சந்தைகளுக்கான பரஸ்பர அணுகலையும் பாதிக்கிறது.